ولې سردار محمد داود خان د وخت پر پاچا ظاهر شاه کودتا وکړه؟
۴۵ کاله مخکې په افغانستان کې د پاچا محمد ظاهر پر ضد کودتاه وشوه. د دې کودتاه مشري محمد داود خان کوله او پوځي افسرانو د کودتاه په پایله کې شاهی نظام ړنگ او پر ځای یې جمهوریت اعلان کړ. داود خان ویل ژور اصلاحات غواړي. پاچاگل وفادار د داود خان په کابینه کې د سرحدونو چارو وزیر و او له سردار محمد داود خان سره نژدې پاتې شوی. نوموړي د چنگاښ ۲۶مې په کودتاه کې هم ونډه لرله. له ښاغلي وفادار سره سپین تڼی مرکه کړې.
